BOOK REVIEW: Spying On The Supermodel

Photo courtesy of Bookware Publishing Corporation 

TITLE: Spying On The Supermodel

AUTHOR: Mary Santiago

FROM: My Special Valentine

PAGES: 96

RELEASED: 2013

Sa tingin ni Tessa, kabaliwan ang gusto ng kanyang best friend na palihim na bantayan niya ang boyfriend nito habang wala ito sa bansa.

Unang-una, hindi siya naniniwalang tatagal ang bago nitong boylet. Maraming beses na nitong naipagkamaling pag-ibig ang kung anong damdamin nito para sa mga lalaking nakarelasyon. Pangalawa, napakaganda ng kaibigan niya para ma-insecure sa kung sinumang magkakagusto sa modelo nitong nobyo. At pangatlo, wala siyang planong mag-babysit sa kung sino, ano! Kahit pa kasing-guwapo ng Arman na iyon.

Pero nakuha siya sa emotional blackmail ng best friend niya at napapapayag siyang maging secret spy sa buhay ng nobyo nito. Hindi na bale, ilang buwan lang naman. How bad could it get?

But how very wrong Tessa was…

BOOK REVIEW: Hanggang Wakas

Photo courtesy of Bookware Publishing Corporation

TITLE: Hanggang Wakas

AUTHOR: Angela Pangilinan

FROM: My Special Valentine

PAGES: 96

RELEASED: 2013

Sa paniniwala ni Louise, malapit nang magunaw ang mundo. Kaya bago pa iyon mangyari, she decided to spend her so-called last grandest vacation of her life sa bayan ng Pagudpud, ang pinakadulong lugar sa itaas na bahagi ng Pilipinas.


Ngunit sa kanyang pag-e-enjoy sa white sand beaches sa nabanggit na bayan ay lagi niyang nakikita ang isang guwapong lalaki. Saanman siya pumunta ay di-sinasadyang nagkikita sila ng estranghero. Like it was destiny.


Dahil doon, hindi na naiwasang maging magkaibigan sila. And then, their relationship grew and went beyond friendship. Ngunit hindi niya ito maaaring mahalin. Hindi na magtatagal ang mundo. Lahat ay mapaparam sa takdang panahon—gaya ng pag-ibig.

BOOK REVIEW: Between the Moon And NYC

Photo courtesy of Bookware Publishing Corporation

TITLE: Between The Moon And NYC

AUTHOR: Elise Estrella

FROM: My Special Valentine

PAGES: 96

RELEASED: 2013

Sa hitsura ng bago nilang kasamahan sa NYPD, sa tingin ni Mark, parang mas bagay na pre-school teacher si Abigail Lorenzana kaysa police detective. Hindi na siya nagtaka na ganoon na lang kung pag-usapan ito ng iba niyang katrabaho. At katapat ng sa kanya ang magiging opisina ng dalaga.

Bagaman masaya iyong may magandang babae siyang masisilayan tuwing papasok ng opisina, hindi nakikipagrelasyon si Mark sa mga katrabaho niya. It was a hard and fast personal rule.

But Abigail is just so tempting. At hindi siya santo para ipagtulakan palayo ang tukso na iyon…

BOOK REVIEW: Love In A New York Minute

Photo courtesy of Bookware Publishing Corporation

TITLE: Love In A New York Minute

AUTHOR: Elise Estrella

FROM: My Special Valentine

PAGES: 96

RELEASED: 2013

Sa loob-loob ni Mason ay may namumuong protective at possessive instinct para sa kanyang maganda, hot at mabangong housekeeper. Mali iyon, pero hindi niya mapigilan. At bakit niya kailangang pigilan, siya lang naman ang nakakaalam niyon?

Isa pa, hindi lang hot si Hannah, she was also sweet at alam niyang gusto na nito ang kanyang pamilya kahit sa sandaling pagkakasama nila. Noong una pa lang, gusto na niya ito.

Pero hindi siya naniniwala sa love at first sight. Wala namang na-i-in love nang ganoon kabilis. 

No one could fall in love in a New York minute. Especially not someone like him….